ACTIVIDADES ARREDOR DO 25 N

 25 N: DÍA INTERNACIONAL CONTRA A VIOLENCIA DE XÉNERO

25 N debe ser todos os días. Entre todxs podemos conseguilo, erradiquemos esta lacra do noso mundo. 

Vexamos os datos, que puidemos extraer da seguinte páxina oficial Delegación do Goberno contra a violencia de xénero

Durante o 2020, 41 mulleres son as vítimas falecidas por mor desta violencia no noso país, 2 en Galicia, ata o día de hoxe. 

Desde que se contabilizan en 2003, o número de mulleres falecidas a mans das súas parellas ou exparellas,  ascende a 1.074.

Detrás destes números, hai historias persoais e familiares, que implican a persoas, a moitas persoas. 

As vítimas son fillas, nais, irmás, amigas, veciñas,... 

A perda destas mulleres desta forma tan incomprensiblemente violenta, enche de dor, tristura e desacougo ás familias delas e ás dos maltratadores.

Oxalá puidésemos parar o contador deste tipo de vítimas, hoxe mesmo, desde xa, NON MÁIS MULLERES MORTAS POLA VIOLENCIA MACHISTA. NIN UNHA MÁIS.

QUERÉMONOS LIBRES E VIVAS.

No noso centro levamos uns días traballando arredor deste tema, que oxalá sirva para que as novas xeracións, realmente se conciencien, de que todxs somos iguais, de que todxs temos que gardarnos respecto e de que nunca se pode xustificar a violencia, hai que dialogar para procurar o entendemento e se non é así, debemos pedir axuda. 

Imos deixar imaxes dalgunhas das propostas levadas a cabo. Desde o noso equipo de Dinamización da Lingua Galega, xunto con Convivencia, quixemos agasallar a toda a comunidade educativa cunha mascarilla reutilizable, na que se amosa unha porta violeta, cun lema "Hai saída" Porque cremos que realmente está nas nosas mans saír desta situación, sempre hai saída, hai que procurala. Temos que educar e concienciar desde pequeniñxs para que NUNCA MÁIS HAXA UNHA VÍTIMA DE VIOLENCIA DE XÉNERO.

Aquí vemos ao alumnado de 2º de Primaria, que logo de falar, comentar, debatir, facer lemas, ver videos, ... Así que facendo alarde do seu espírito emprendedor, o día 25 autoconvocáronse a unha manifestación contra o maltrato, prepararon as súas propias pancartas, e baixaron ao patio un chisco antes de que saíra o resto do alumnado do centro e recibíronnos así.

Oxalá que nunca máis o teñan que volver facer. Parabéns, pola vosa empatía e implicación, sodes un gran equipo!

Aquí quedan algúns dos slogans que se crearon para o 25 N, que están expostos no Concello, podedes pasar a velos todos.

Desde o Concello tamén nos agasallaron con pulseiras e con varias actividades sobre coeducación ao longo desta semana.

MAGOSTO 2020

 CON TODO O QUE NOS ESTÁ PASANDO, POLO MENOS, NESTA OCASIÓN PARA ESTA CELEBRACIÓN, O TEMPO ALIOUSE CON NÓS, E O SOL VEU AO MAGOSTO.

Este martes día 10 de novembro, foi un día un chisco diferente no cole de Pontecesures.

Primeiro, nas aulas traballamos distintas temáticas arredor do Magosto, por exemplo: cantigas, refráns, adiviñas, poemas,...

 A continuación, elaboráronse os cucuruchos para coller as castañas asadas.

 Deseguido, baixou infantil, Primaria e finalmente a ESO, de xeito ordenado, a degustar as castañas, que trouxeran os alumnxs do centro, e que este ano estaban ben boas!

Finalmente, cada curso no seu recinto desfrutou de xogos populares.

XS ASADORXS

INFANTIL 

PRIMARIA

ESO

DÍA DA CIENCIA EN GALEGO

Un ano máis chega novembro e con el o día da ciencia en galego, un día, unha semana, un mes ... non, todo o ano, TODO O ANO debería ser a CIENCIA EN GALEGO. Porque o galego, é unha lingua que vale para todo, para as Letras, para a Música, para as Ciencias, para a Arte,... Desde aquí queremos animarvos a que sigades usando a nosa fermosa lingua, todos os días, para todo, tamén para a ciencia.

Aquí deixamos uns videos de experimentos feitos noutros cursos por alumnado do noso centro, agardamos que vos gusten e que os fagades vos, se sodes pequerrechos, pedide axuda a un adulto. 

VOLCÁN ACTIVO

COMO FACER QUE OS DEBUXOS COBREN VIDA

    

                                              FACER SALTARINAS CON OVOS

Chegados a final de curso, o alumnado de 6ºB formulou unha  serie de hipóteses que so se podían comprobar a través da experimentación. E que mellor xeito para resolvelo que poñer en práctica todo o aprendido nos libros e ver como a realidade nos amosa que a ciencia tamén pode ser divertida, instructiva, e por suposto, facela en galego!

PREMIADOS CONCURSO SAMAÍN 2020

CHEGOU O DÍA... AQUÍ ESTÁN AS OBRAS E OS SEUS CREADORES... UN SAMAÍN DIFERENTE, PERO CON ESENCIA GALEGA...

MURAL COS TRABALLOS PREMIADOS

DESDE O EQUIPO DE DINAMIZACIÓN DA LINGUA GALEGA QUEREMOS AGRADECER  AO PROFESORADO E AO ALUMNADO DO CENTRO A COLABORACIÓN E  PARTICIPACIÓN NESTE CERTAME, ESTE CURSO HOUBO MOITOS E EXCELENTES TRABALLOS, PUIDEMOS COMPROBAR QUE SODES GRANDES ARTISTAS E FABULOSXS ESCRITORXS,  AGARDÁMOSVOS PARA O VINDEIRO CURSO, CON MÁIS E MELLORES PROPOSTAS.

A CONTINUACIÓN, EXPOÑEMOS AS FOTOGRAFÍAS DOS AUTORES DOS TRABALLOS PREMIADOS, DAS SÚAS OBRAS E OS AUDIOS DOS RELATOS ORAIS .

AUDIOS DOS RELATOS ORAIS

PRIMARIA

O MONTE NO 31 DE OUTUBRO - RELATO DE 5º EP DE L.T.C.

ESO

ELISABETH - 1º de M.R.D.

RELATO 1º - de H.G.T.

SUSANA    - 2º A  de A.B.M.

CONTO DE MEDO  - 2ºB de Y.M.

A MUDANZA - 3º de R.A.R.

HISTORIA DE MEDO  - 4º de B.G.M.

A CABANA TÉTRICA - 4º de C.C.M.

MENCIÓN ESPECIAL PARA L.V.R. e  L.M.G. polos seus fantásticos relatos, que co seu permiso publicamos.

O COLECCIONISTA  - 4º de L.V.R.

A CABANA DO MONTE - 4º de L.M.G.

Relatos escritos:

Relato 3º EP

Relato 4º EP

Relato 6ºA

Relato 6º B

CONVIDÁMOSVOS A VER OS VIDEOS ELABORADOS POLO EQUIPO DE EXTRAESCOLARES COAS FOTOS DAS CABAZAS QUE ENVIOU O ALUMNADO.

GRAZAS POLA VOSA COLABORACIÓN. 

LETRAS GALEGAS 2020

 Neste ano tan complicado, tamén as nosas Letras se viron afectadas, a RAG atrasou a celebración do Día das Letras Galegas ao 31 de outubro.

Da igual que sexa 17 de maio que 31 de outubro, en Galicia, todos os días deberían ser o día da nosa LINGUA, das nosas LETRAS.

Na seguinte ligazón podedes ver unha morea de recursos sobre Carballo Calero:  https://www.lingua.gal/o-galego/promovelo/dia-das-letras-galegas.

Desde o noso centro queremos compartir un fermoso videopoema, cargado de tradición, añoranzas, lembranzas e moito amor polo noso, polos costumes e pola lingua. A nosa benquerida BANDA DA LOBA, amosa este video xusto neste día, DÍA DAS LETRAS.

ADONDAR A LINGUA

https://www.youtube.com/watch?v=NR-SUNtyFvQ 

'Adondar a lingua' é un dos temas recollidos no segundo traballo d'A banda da Loba, Fábrica de luz. É unha homenaxe á lingua como nai, unha reflexión sobre o importante que é o noso papel como falantes no coidado do idioma. 

A letra da canción está baseada no videopoema de Celia Parra 'Adondar a lingua', gañador de varios recoñecementos a nivel internacional. Nel a autora fai un paralelismo entre a elaboración do pan ou dos tecidos e a aprendizaxe e a transmisión da lingua. Así, achéganos a idea de como esa herdanza recibida pode levedar en nós para alimentarnos ou abrigarnos para protexernos do frío (aludindo aos malos tempos que vive a nosa lingua). 

O tema d'A banda da Loba foi gravado cun cuarteto de corda e agora chéganos novamente transformado en videoclip de man da propia Celia Parra. 

Desfrutade desta explosión de sensacións e adondade a lingua!! 

A BANDA TAMÉN MUSICOU A CARBALLO CALERO, podedes escoitar a cantiga do poema "o sonho da Catarina" na seguinte ligazón ou na páxina do concurso

O SONHO DA CATARINA

https://carvalho2020.gal/musicando2020/

“Musicando Carvalho Calero” é um concurso musical desenhado pola AGAL (Associaçom Galega da Língua) em colaboraçom com a CRTVG.

Aquí vos deixamos o poema

SONHO DE CATARINA
Jardineira, coida as tuas flores.
Os lobos baixam da montanha.
Jardineira, coida as tuas flores.

Os lobos saem dos seus tobos.
Os debulhadores de flores.
Coida as tuas flores, jardineira.

É a hora em que congrega o galo
na trave, cansas, as galinhas.
Cansas de pôr ovos de neve
e debulhar vermes de esmeralda.

Os lobos baixam da montanha.
Os cans ouveiam à lua
e nom vem que baixam os lobos.

Som lobos escuros e raudos,
cujos olhos abrem na noite
corredoiras de lume roxo.

Amam as flores, e, ao ceá-las,
bêbedos, dançam nos jardins,
baixo a olhada leda da lua.

Catarina, a tua fiestra
abre-se ao jardim, Catarina.
Catarina, cobre as façulas.

Que lobos mais originais!
Deixam espidas as roseiras.
Que lobos mais originais!

Estás sonhando, Catarina?
Diamantes que rachem os vidros?
Ou serám os olhos dos lobos?

Catarina, quem fosse lobo,
para debulhar-che as façulas…

O abrente adianta no horizonte
um anaquinho de presença.
Os lobos, cantando e rindo,
rubem aos tobos da montanha.
Ao passar junta os cans dormidos,
acenam-lhes sem que se decatem.

Umha rejeirinha de sol,
como umha aguilhada de ouro,
fere no lombo dos lobos.

Os lobos botam a correr.

Luz. Catarina despertou

Carvalho Calero, R. (1980) Pretérito imperfeito.

Desde o EDLG queremos felicitar á nosa Banda, polos éxitos obtidos, a pesar da Covid, e animalas  a que sigan traballando pola música, pola lingua e pola nosa cultura.

"O padroado dos premios San Martiño de Normalización Lingüística vén de resolver por maioría a concesión dos recoñecementos correspondentes á edición deste ano á Asociación Cultural Vagalumes e á agrupación musical A Banda da Loba.

A Banda da Loba é recoñecida co premio San Martiño á difusión lingüística no ámbito galego. A Banda da Loba, que ten entre as súas integrantes dúas estradenses -as irmás Andrea e Marcela Porto-, é unha das voces máis frescas e renovadoras do panorama musical galego. A banda ten publicados dous traballos discográficos: Bailando as rúas (2017) e A fábrica da luz (2019). Caracterizada no aspecto creativo polo eclecticismo, aunando a tradición con ritmos como o pop, o reggae ou o ska, a súa identidade como banda aséntase nunha defensa firme da muller, a terra e a lingua. Neste senso, a banda ten musicado poemas de autores coma Celso Emilio Ferreiro, Manuel María ou Rosalía de Castro."

Podedes ver a noticia aquí: https://www.lavozdegalicia.es/noticia/deza/2020/10/29/span-langglvagalumes-banda-da-loba-acadan-os-premios-san-martino-uso-do-galegospan/0003_202010D29C6998.htm

CAMPAÑA " LER CONTA MOITO"

 Ao longo deste mes, o alumnado de Primaria puido desfrutar dunha sesión de contacontos na Biblioteca municipal, aquí deixamos o programa previsto e algunhas fotos das distintas sesións.

BIBLIOTECA DO CONCELLO PONTECESURES

LER CONTA MOITO

 

OBRADOIRO DE CREACONTOS – (Ramón Torrente)

CATEGORÍA: Obradoiros creativos

Un obradoiro creativo no que descubriremos as mil e unha variables que ten un mesmo conto. Xogar, recortar, pegar, debuxar, escribir, escoitar, compartir, falar, descubrir, colorear, construír… serán actividades a desempeñar para sacarlle todo o partido aos contos contados e entendidos de maneira tradicional.

DÍA: 8 OUTUBRO 2020

CURSO: 3º EP

HORARIO: 12:00 h – 13:00 h aprox.

 

 

EXPERIMENTOS CIENTÍFICO – ARTÍSTICOS  (Fátima Rodríguez)

CATEGORÍA: Divulgación do coñecemento

Conxunto de experimentos científicos onde os participantes poderán visualizar e facer a súa propia pila con 3 limóns, obter un perfume a través da extracción dos aceites esenciais de plantas aromáticas cun alambique e comprender o significado da tensión superficial dos líquidos a través da pintura, dos globos e da arte de crear e experimentar.

DÍA: 9 OUTUBRO 2020

CURSO: 5º EP

HORARIO: 12:00 h – 13:15 h aprox.

 

RESCATE NA BIBLIOTECA  - ( Antía Yáñez)

CATEGORÍA: Dinamización con música, teatro e danza

Xogo de pistas no que os rapaces e rapazas aprenderán como funciona a súa biblioteca: onde atopar os diferentes xéneros, que facer se non se sabe onde está un libro, para que serve unha bibliotecaria ou bibliotecario... Porque as bibliotecas están sempre aí, pero... coñecémolas realmente?

DÍA: 13 OUTUBRO 2020

CURSO: 4º EP

HORARIO: 12:00 h – 13:00 h aprox.

 

CONTABA A MIÑA AVOA QUE...  ( Fátima Fernández)

CATEGORÍA: Igualdade e violencia de xénero

Contos da nosa tradición oral nas que as mulleres somos as protagonistas, relatos cotiáns que foron o xerme da nosa cultura. Historias contadas por avoas para nenas e nenos, nos que se demostra como debemos superar as desigualdades.

DÍA: 16 OUTUBRO 2020

CURSO: 6º A e 6º B

HORARIO: 12:00 h – 13:00 h aprox.

 

CONTACONTOS DADA O DUENDE –  (Patricia Martínez)

CATEGORÍA: Narración oral

O Duende Dada, deleitaranos cun repertorio de contos marabillosos nos que se traballarán diferentes valores como convivencia e a igualdade, o respecto polo medio ambiente e o traballo en equipo. Unha divertida forma de fomentar o hábito lector entre os máis pequenos a través destes contos máxicos.

DÍA: 22 OUTUBRO 2020

CURSO: 2º EP

HORARIO: 12:00 h – 13:00 h aprox.

 

PITUSIÑA  ( Lisístrata)

CATEGORÍA: Narración oral

Pitusiña é unha nena arrichada que sinte o galego, pensa, fala e xoga en galego. "Fala ben, así non se di…" está farta de que sempre lle digan cousas que non entende e decide facer unha viaxe no tempo pola nosa historia onde descubrirá personaxes moi interesantes que lle farán comprender o porqué de moitas cousas. Unha viaxe á que vos convida, queredes acompañala?

DÍA: 23 OUTUBRO 2020

CURSO: 1º EP

HORARIO: 12:00 h – 13:00 h aprox.

Nesta sesión tamén puidemos aprender unha canción de BURKINA FASO.

E despois de despedirnos de Dada, fomos ata o centro Xuvenil, delado da Biblioteca, e contemplamos a pintura mural sobre " o tren de Varela" e Teresa a bibliotecaria contounos un chisco da historia representada no cadro: 

- é a primeira liña de ferrocarril de Galicia que cubría o traxecto de Cornes (Santiago) a Carril

 ( Vilagarcía) ao seu paso sobre o río Ulla, pola ponte de ferro. Esta vía foi inaugurada no ano 1873.

O mural é impresionante, tal e como se pode observar na fotografía, comprende unha parte importante da historia desta vila, e mesmo de Galicia, pero probablemente o lugar no que o pintaron non sexa o máis apropiado. 

Debería formar parte dun museo da historia da vila, xunto a outros tantos cadros, fotos, libros, xornais e obxectos que formaron parte da vida deste pobo.

 A estas novas xeracións de rapaces altamente tecnolóxicos non lles chegarán estes anacos da historia dos seus antepasados, alguén debería pensalo seriamente.

112 - EMERXENCIAS, non trolas

 O venres 9 de outubro viñeron os Bolechas a explicarlle ao grupo de 2º de Primaria, que é unha emerxencia, a onde chamar e o que hai que facer e saber cando chamamos ao 112.

Manter a calma

Identificarse

Saber onde estou ( enderezo,...)

Explicar o que aconteceu