Día das Artes Galegas - 1 de abril

O 1 de abril conmemórase o Día das Artes Galegas. Esta foi instaurada no ano 2015 pola Real Academia Galega das Belas Artes, co fin de promover e valorar o patrimonio cultural galego. Este ano, o autor homenaxeado é Martín Códax, o primeiro dos músicos homenaxeados.

O alumnado de 5º presentounos este mural sobre a figura do autor, que vos deixamos por aquí, xunto co vídeo musicalizado da cantiga que representaron.

21 de marzo - Día da Poesía !

O pasado martes, despois de que o tempo nos dese unha tregua, tivemos un acto de recoñecemento co alumnado no concurso Fai Viral a Rosalía! Os nenos e nenas de 1º EP e de 6º EI cantáronlle unha canción inspirada no poema "Alborada", de Rosalía de Castro.

Pola súa parte, o alumnado de 2º da ESO levou a cabo un taller de regueifas con Lupe Blanco, a regueifeira de Coristanco. En propias palabras da autora, foi moi produtivo, cun alumnado moi predisposto e dinámico, o que provocou que as coplas as compuxesen moi rápido e con moito sentido.

8M - Día Internacional da Muller

A pasada semana, o mércores, conmemoramos o Día Internacional da Muller. A través de diferentes propostas, resaltamos a importancia da muller na nosa sociedade.

Na aula de 5 anos, fixemos uns lentes violetas, para que nos axuden a detectar as inxustizas que sofren moitas veces as mulleres. Ademais, as nenas e nenos de 1º de EP tamén conmemoraron o Día Internacional da Muller.

Tamén, grazas á Banda da Loba, traballamos con "Plumas Amarelas", que, como nos di o grupo, son as das nosas aves favoritas, as lavandeiras reais. É un canto á liberdade, unha homenaxe a todas as mulleres anónimas que, dende o cotiá, loitaron para que nós hoxe poidamos ser quen somos e vivir como vivimos.

VEXO VEO XACOBEO - Seguimos coa viaxe!

Unha nova parada no noso camiño. O alumnado de 1º e 2º, xunto coas titoras e a profe Guada, visitamos o albergue de Pontecesures, onde puidemos comprobar a súa disposición e ver de primeira man como se organiza.

Fai viral a Rosalía! - PREMIAD@S

Como resultado das visualizacións do Concurso Fai Viral a Rosalía!; o premio o vídeo máis visualizado ata o pasado 27 de febreiro, momento en que se pararon os videos para que se puideran consultar as estatísticas de reproduccións en youtube; foi o proposto por Damián, de 1º de ESO, con 1417 reproducións.

Ademais, a pasada semana, o xurado composto polos membros do Equipo de Dinamización da Lingua Galega elexiu tres participantes premiados, que recibirán de agasallo un vale para material escolar, por valor de 60 euros.

Gañador@s:

Cayetana de 2º de E.P.

Eira de 2º de E.P.

Fabián, Yago e Brais de 5º e 4º de E.P. e 6º de E.I.

FELICIDADES A TODXS!! 

Xa podedes volver a ver os videos e agardamos que sigades participando en vindeiras edicións deste concurso e noutras propostas deste equipo.

23 de Febreiro - Día de Rosalía !

Un ano máis, conmemoramos o día da nosa Rosalía. A coincidencia cos días non lectivos post-entroido fixo que tivésemos que andar ás presas de novo. A maiores do concurso "Fai viral a Rosalía!" (que, por certo, remata hoxe o prazo para visitar os vídeos, polo que vos deixamos aquí a ligazón da canle de YouTube do Trasno), ilustramos versos, estrofas, poemas... de Rosalía, ademais de plantar o "Xardín dos pensamentos" de Rosalía.

Ademais, os nenos/as de primeiro musicalizaron "Alborada", polo que vos deixamos tamén a súa proposta a continuación.

 

Vexo, Veo Xacobeo

Durante este curso, co alumnado de 1º e 2º, xunto coas titoras e a profe Guada, estamos participando no programa Vexo, veo Xacobeo, dentro do Plan Proxecta. Tras recibir a carta de Tina Calixtina e equipala para facer o camiño, repasamos os símbolos que se vai atopar na súa viaxe ata Santiago.