FESTIVAL DE NADAL

 Este curso celebramos o festival de Nadal atendendo ás medidas Covid, con distancia, uso de máscaras,... Pola mañán celebrouno Primaria e pola tarde Secundaria. O alumnado de todos os cursos realizou unhas actuacións alucinantes, fantásticas, baixo a batuta do profesorado de música, Andrea e David, que mesmo participaron nalgunhas actuacións.

Tamén viñeron os paxes reais, que recolleron as cartas dos máis pequenos e repartiron chuches.

Unha xornada lectiva, festeira moi ben aproveitada.

Cunha das manualidades do alumnado de 3º e 4º de Primaria, queremos desexar a toda a comunidade educativa unhas

FELICES FESTAS!

QUE O 2022 VEÑA COLMADO DE ILUSIÓNS E MOITA SAÚDE!!

E agora unhas imaxes do festival.

VISITA AO BELÉN DE PORTO

 Un ano máis, a pesar do coronavirus, un grupo de veciños do lugar de Porto, realizou o Belen, con materiais reciclados, sobre todo tapóns de plástico, quedoulles "divino". O alumnado dos cursos de 1º e 2º de Primaria, foron visitalo o luns día 20. Puideron escoitar como o fixeran da boca da súa deseñadora, fixéronlle preguntas sobre canto tempo lle levara preparalo, cantas persoas participaron,...

A saída foi moi educativa, ata pasou o tren. No camiño fomos vendo os nomes  das rúas polas que pasamos: sendeiro verde de Borobó, a rúa Miguéns Parrado, a de Carlos Maside, a Praza dos Valeiros (lugar onde se atopa o Belén),...

ENFERMEDADES INFANTÍS

 Baixo o título " Enfermedades Infantís" descubrimos un mural, realizado polo alumnado de 4º de Primaria. Nestes tempos nos que todo xira arredor do coronavirus, non debemos esquecer ás enfermidades comúns, que aínda seguen aí, por suposto con menos complicacións grazas ás vacinas, pero están entre nós.

COMPOSICIÓNS E ACTUACIÓNS DE DAVID REGUEIRO

 Vídeo en directo da canción "Mulher" do grupo ALÊM en A Casa das Crechas.

A música está realizada por David Regueiro a partir dun poema de Carvalho Calero.

OBRADOIRO DE BANDA DESEÑADA

 Este luns, o alumnado da aula de 6º de Primaria, recibiu un obradoiro de banda deseñada, grazas ao Correlingua. Así, puideron achegarse ao apaixoante e divertido mundo dos cadriños ou viñetas, da man do ilustrador Víctor Boullón.

Aí quedan unhas imaxes da actividade " Banda deseñada con historia"

25 N- DÍA CONTRA A VIOLENCIA DE XÉNERO

 AQUÍ DEIXAMOS ALGUNHAS DAS PROPOSTAS REALIZADAS NAS DISTINTAS TITORÍAS DE PRIMARIA PARA CONMEMORAR ESTA DATA. 

AGRADECEMOS, ESPECIALMENTE, O SENTIR DUN ALUMNO DE 3º DE E.P., QUE NOS SORPRENDEU CUNHA CANCIÓN CREADA POR EL MESMO E QUE TAN BEN REFLICTE A REALIDADE DE MOITAS MULLERES. GRAZAS BRAIS.

NOVEMBRO MES DA CIENCIA EN GALEGO

O alumnado de 2º de Primaria confeccionou  unha maqueta con forma de volcán.

Practicaron o experimento na súa clase e hoxe viñeron a compartilo cos de primeiro.

Os de primeiro estiveron superatentos e despois repetírono eles tamén.

MUSICA ENXEBRE

 Sonan polos corredores do centro acordes con sons enxebres, populares, da nosa terriña, e universais, como é a nosa " RIANXEIRA"grazas ás rapazas e rapaces de 2º da ESO e ao seu mestre David. 

Podedes ver éste e outros traballos dos distintos cursos da ESO, na canle de youtube do CPI de PONTECESURES

EXPOSICIÓN "MULLERES QUE FALAN"

 Das rúas da vila chega ao noso centro a exposición " Mulleres que falan"

A discriminación contra as mulleres e nenas é un problema de raíces socio-históricas profundas que afecta todos os países do mundo.

Sobre esta base discriminatoria susténtase a desigualdade de xénero que, no seu grao máis extremo, asume a forma de violencia, constituíndo unha violación flagrante dos dereitos das mulleres.

Mediante a exposición itinerante “Mulleres que falan”, o Concello de Pontecesures pretende amosar o seu firme compromiso na loita contra esta lacra social.

A medida, encadrada dentro das actividades conmemorativas do 25N, Día Internacional Contra a Violencia de Xénero, vai dirixida a sensibilizar e concienciar a toda a poboación da necesidade de eliminar de raíz calquer tipo de conduta discriminatoria que poida derivar nas diferentes formas de violencia contra as mulleres.

Esta exposición percorrerá diversas zonas do pobo a fin de dar a maior visibilidade a un problema que a ninguén nos é alleo.            

Recollemos aquí  literalmente o texto co que o Concello presentou a exposición "Mulleres que falan" que, desde o día 8 ata o 19 estiveron expostas na Biblioteca do centro, e todo o alumnado puido observala e reflexionar sobre as verbas que moitas persoas,  homes e mulleres, lles adicaron ás mulleres ao longo da historia. 

CHARLAS SOBRE IGUALDADE

 CHARLAS PROPOSTAS POLO CONCELLO EN MATERIA DE   IGUALDADE

Grazas á colaboración do Concello ao longo desta semana ( 16, 17 e 18 de novembro) foron impartidas nas respectivas aulas de Primaria e da ESO, e no ximnasio para os máis pequenos, charlas e sesións de contacontos, coas seguintes temáticas, arredor da igualdade:

 

 AS EMOCIÓNS E O BULLING.

QUE VES NO YOUTUBE?

 CONTACONTOS SOBRE IGUALDADE ( Orellas de bolboreta, unha casa a medida,...)

4º de E.P.

                                                                    3º de E.P.
                                                               

CONTACONTOS CON 1º e 2º de E.P.

 

MAGOSTO 2021

     Un ano máis celebramos o Magosto, cunha implicación total de todo o alumnado e profesorado do centro. 

Propostas desta semana e do propio día da celebración:

Degustación de castañas asadas aportadas polas familias do alumnado.

Xogos populares.

 Mural colectivo de Infantil e Primaria con refráns, adiviñas, cantigas.

 Mural elaborado polo alumnado da ESO colaborador co Equipo de Dinamización da Lingua Galega.

                                    MURAL DO ALUMNADO COLABORADOR DA ESO