Yolanda Castaño, Premio Nacional de Poesía

Boas novas para as Letras Galegas esta semana.

A poeta galega Yolanda Castaño foi escollida como gañadora do Premio Nacional de Poesía.

Trátase dun premio de ámbito estatal, que noutras categorías xa fora gañado por escritores e escritoras galegas, con obras en galego, como neste caso.

O Trasno Paroleiro quere transmitir os nosos parabéns a Yolanda.

Se queredes información máis detallada, podedes seguir esta ligazón de Galicia Confidencial: https://www.galiciaconfidencial.com/noticia/241829-galega-yolanda-castano-premio-nacional-poesia-2023-pola-obra-materia

Escola de Música Moderna de Pontecesures

 Hoxe, xoves, 28 de setembro de 2023, o alumnado das distintas etapas recibimos a visita de dous profesores da Escola de Música Moderna de Pontecesures.

Faláronnos do funcionamento da Escola e animáronnos a que nos apuntásemos nalgunha das actividades que ofrecen.

Para terminar, Elías uníuselles para interpretar uns anacos dalgunhas pezas.

Aquí tedes unha ligazón á web do Concello con máis información: http://www.pontecesures.org/vernoticia.asp?id=1851

Actividade sobre José Gil, pioneiro do cinema na provincia de Pontevedra

O pasado venres, 22 de setembro, o alumnado de Primaria e Secundaria recibimos a visita do Cinemóbil nº3, unha recreación do Cinemóbil nº2 co que José Gil percorreu nos anos 20 do Século XX boa parte de Galicia para proxectar nel as películas de estrea.

Puidemos ver, no ximnasio, esas mesmas películas que proxectou hai xa 100 anos no Cinemóbil nº2 na nosa vila. 

Entroutras curiosidades que nos contaron, está a de que José Gil rodou en 1926 imaxes da Feria do Automóbil que se celebraba en Pontecesures. Por desgraza, estas filmacións perdéronse.

Se queres ampliar información sobre a vida e a obra deste pioneiro da elaboración e da difusión do cinema en Galicia podedes visitar a seguinte web ou enlazar mediante o código QR que encontraredes máis abaixo: https://josegilcinema.gal/

Aquí tés algunhas imaxes sobre a actividade realizada co alumnado de E.S.O.

Presentación do libro "Carmiña Sierra. A primeira muller do Seminario de Estudos Galegos"

 

Actividade sobre José Gil, pioneiro do cinema galego

 

Cinema galego e cinema en galego

 Ola, rapazada!

Comeza un novo ano. Desde o Equipo de Dinamización da Lingua Galega queremos darvos a nosa benvida e desexarvos o mellor para os próximos meses.

E para facilitarvos a tarefa, poñemos ao voso dispor unha ligazón para ver cinema galego e para ver cinema en galego, que non sempre é o mesmo. 

Trátase dunha web externa a nós (que logo enlaza con outras webs de streaming ou de descargas), polo que non podemos garantir a calidade dos arquivos nin a súa seguridade:

https://engalecine6.webnode.es/

PÍLULAS DE LINGUA GALEGA: ERROS HABITUAIS

Nunca está de máis recordar cales son os fundamentos da nosa lingua.
Por iso, de cando en vez deixámosvos algúns recursos relativos a eles; hoxe:

- FORMAS INCORRECTAS MÁIS FRECUENTES

REPARTO DAS AXENDAS

 

Moi boas, rapazada!
Como pasou o verán?
Agora comeza o novo ano académico e será bo que non esquezades ningunha das tarefas que teredes que realizar nos vindeiros meses.
E para conseguilo, que mellor que unha axenda?
Con este obxectivo, acabamos de efectuar o reparto das axendas escolares entre o alumnado de Primaria.
Na foto vemos tres compañeiros de 6º, que o ano que vén xa estarán na E.S.O., posando contentos coas súas.
Na parte posterior da axenda podedes ver algunhas das caricaturas de Francisco Fernández del Riego (e un inspirado mapa de Galicia) que realizastes co gallo do Día das Letras Galegas, así como datos de interese para as vosas familias.
Facede bo uso da axenda!!!
Que teñades bo curso!!!