A nosa Rosalía sonou coma nunca nos premios Goya 2022.
Un dos poemas máis famosos de Follas Novas " Negra Sombra" que foi elixido por Luz Casal, para cantar en memoria de todos/as os/as profesionais do mundo cinematográfico falecidxs no 2021.
Esta poesía foi musicalizada por Carlos Núñez coa voz de Luz Casal en 1996, e convertiuse na banda sonora do filme " Mar Adentro", película máis galardoada ata hoxe con 14 Goyas.
Clica no seguinte enlace para ver a actuación,
Luz Casal nos Premios Goya 2022
Letra de ‘Negra Sombra’
Cando penso que te fuches,
negra sombra que me asombras,
ó pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas,
si choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.
Ningún comentario:
Publicar un comentario