O corredor da planta baixa do noso centro e o panel expositor do noso equipo, amosa unha morea de carteis sobre a historia e historias do Camiño de Santiago, así como sobre persoeiros ilustres que nalgún momento da historia peregrinaron a Santiago e libros importantes que teñen que ver co Camiño, como por exemplo, o Códice Calixtino.
Esta exposición chegou ao noso centro da man do Departamento de Xeografía e Historia e grazas á Asociación de Amigos do Camiño de Conxo.
A exposición estará no centro durante todo o mes de maio, aproveitade para ler e valorar a importancia do Camiño ao longo do tempo, na historia de Galicia e tamén no noso Concello. Por Pontecesures discurre o Camiño Portugués e a ruta marítima, denominada como Mar de Santiago, tal como nos contan as lendas do Camiño, por aquí foi por onde entrou a barca que traía o corpo do Apóstolo. Ata que chegou a Padrón, onde ataron a barca ao Pedrón, que hoxe se atopa na igrexa de Santiago.
Para o alumnado de 1º de Primaria foi un recurso máis para completar o seu proxecto sobre o Camiño dentro do Proxecto da Biblioteca " Historias da Historia".
O alumnado da ESO colaborou na colocación dos carteis.
Ningún comentario:
Publicar un comentario