POEMA de FLORENCIO DELGADO GURRIARÁN

Hoxe quero deixarvos un poema de Florencio, para reflexionar.

 

FALAN CASTELÁN

 

           O vello cacique

-     quen mo quer mercar?-

que, dende o seu pazo,

amola ao paisán,

FALA CASTELÁN

 

O repartimento

das utilidás

tamén vén escrito

TODO EN CASTELÁN

 

O crego da aldeia,

do inferno a berrar

pra meterlle medo

ao probe aldeán,

FALA CASTELÁN

 

Dille que condena

se fai tal ou cal

fálalle do demo,

TODO EN CASTELÁN

 

O siñoritiño

da vila de Tal,

con vento na testa,

sen calos na man,

FALA CASTELÁN

 

 

Como é cousa  fina

o alleo falar,

di... cen parvadas,

TODO EN CASTELÁN

 

(....)

 

           Ouh, lingua de Cervantes, de Lope e de Quevedo,

            ouh, fala de Castela, nai de conqueridores*,

            ouh, idioma sublime, ou castelán sonoro!

 

            ( O que é, na nosa Terra, tes bos embaixadores!)

 

*Conquistadores