8M - Día Internacional da Muller

A pasada semana, o mércores, conmemoramos o Día Internacional da Muller. A través de diferentes propostas, resaltamos a importancia da muller na nosa sociedade.

Na aula de 5 anos, fixemos uns lentes violetas, para que nos axuden a detectar as inxustizas que sofren moitas veces as mulleres. Ademais, as nenas e nenos de 1º de EP tamén conmemoraron o Día Internacional da Muller.

Tamén, grazas á Banda da Loba, traballamos con "Plumas Amarelas", que, como nos di o grupo, son as das nosas aves favoritas, as lavandeiras reais. É un canto á liberdade, unha homenaxe a todas as mulleres anónimas que, dende o cotiá, loitaron para que nós hoxe poidamos ser quen somos e vivir como vivimos.