RETO " FAI VIRAL A ROSALÍA"

 

 Febreiro, é o mes de Rosalía desde que un 23 de febreiro do ano 1837 vira a luz por primeira vez, en Santiago de Compostela. 

Este curso, este día aparece no calendario escolar, para que toda a comunidade educativa celebre especialmente esta data.

Un ano máis, no noso centro imos celebralo como se merece. Logo do éxito acadado o curso pasado coa proposta  " fai viral a Rosalía" o equipo de Dinamización da Lingua Galega, volve a propoñer de novo este RETO, básicamente nas mesmas condicións que o curso anterior, pero con algunhas novidades nos premios. Consultade as bases para este concurso aquí, na web ou nos taboleiros e corredores do centro.

Animádevos a participar, a nosa lingua e a nosa escritora máis universal, ben o merecen. 

Agardamos os vosos videos.

 

TANXUGUEIRAS NO BENIDORM FEST

 Nesta última semana de xaneiro estase levando a cabo, unha selección de cancións para asistir ao Festival de EUROVISIÓN. Por primeira vez, hai unha canción en galego que a presenta o grupo TANXUGUEIRAS, non só por ser en galego, se non por todo o significado que agocha, todos os valores que representa, con esas referencias ás distintas linguas do noso país, " non hai fronteiras", etc. Por todo isto e por máis, son merecentes de chegar a EUROVISIÓN.

Deixamos aquí o enlace ao video do programa coa súa fenomenal actuación. 

MOITA SORTE RAPAZAS!

TANXUGUEIRAS - Terra

 

LIBRO DE NADAL EN GALEGO-CASTELÁN E INGLÉS

 O alumnado de Primaria, na clase de lingua inglesa, realizou uns libros sobre o Nadal, con debuxos, felicitacións e historias en galego, castelán e inglés, incluso con palabras noutras linguas.

Podedes velos na biblioteca do centro.

RAPEAR EN GALEGO MOLA!

 Acabo de descubrir a un rapaz de Viveiro que rapea con moito sentimento, Xosé Maseda, gústame especialmente, a súa última produción, que adica ao seu avó ( recentemente falecido) PAPARREXO. Por desgraza non todo é coronavirus!

FESTIVAL DE NADAL

 Este curso celebramos o festival de Nadal atendendo ás medidas Covid, con distancia, uso de máscaras,... Pola mañán celebrouno Primaria e pola tarde Secundaria. O alumnado de todos os cursos realizou unhas actuacións alucinantes, fantásticas, baixo a batuta do profesorado de música, Andrea e David, que mesmo participaron nalgunhas actuacións.

Tamén viñeron os paxes reais, que recolleron as cartas dos máis pequenos e repartiron chuches.

Unha xornada lectiva, festeira moi ben aproveitada.

Cunha das manualidades do alumnado de 3º e 4º de Primaria, queremos desexar a toda a comunidade educativa unhas

FELICES FESTAS!

QUE O 2022 VEÑA COLMADO DE ILUSIÓNS E MOITA SAÚDE!!

E agora unhas imaxes do festival.

VISITA AO BELÉN DE PORTO

 Un ano máis, a pesar do coronavirus, un grupo de veciños do lugar de Porto, realizou o Belen, con materiais reciclados, sobre todo tapóns de plástico, quedoulles "divino". O alumnado dos cursos de 1º e 2º de Primaria, foron visitalo o luns día 20. Puideron escoitar como o fixeran da boca da súa deseñadora, fixéronlle preguntas sobre canto tempo lle levara preparalo, cantas persoas participaron,...

A saída foi moi educativa, ata pasou o tren. No camiño fomos vendo os nomes  das rúas polas que pasamos: sendeiro verde de Borobó, a rúa Miguéns Parrado, a de Carlos Maside, a Praza dos Valeiros (lugar onde se atopa o Belén),...

ENFERMEDADES INFANTÍS

 Baixo o título " Enfermedades Infantís" descubrimos un mural, realizado polo alumnado de 4º de Primaria. Nestes tempos nos que todo xira arredor do coronavirus, non debemos esquecer ás enfermidades comúns, que aínda seguen aí, por suposto con menos complicacións grazas ás vacinas, pero están entre nós.