Para despedir este curso 22/23, contamos no centro coa presenza de Martín Camiña, que cos seu espectáculo de maxia a verdade é que nos deixou a tod@s abraiad@s!
Tamén aproveitamos para desexarvos un feliz verán, que o desfrutedes moitos e carguedes ben as baterías para a volta en setembro!
Seguimos traballando no centro con todo o aprendido a través do Vexo Veo Xacobeo. Neste caso, fixemos 4 rutas, que nos levan á nosa aula, ao pavillón, á biblioteca e á aula de música. Todas as rutas aparecen explicadas nun documento, que puxemos na entrada que usamos nos todas as mañáns, que aparecen tamén sinaladas con diferentes cunchas ao longo de cada traxecto, e que nos serven como indicacións.
Desta vez sinalamos dependencias do centro cos nomes en diferentes idiomas, xunto coas frechas indicadoras do camiño.
O pasado 17 de maio conmemoramos o Día das Letras Galegas. Tiñamos convocado o Concurso das Letras Galegas, onde vos animamos a debuxar ao autor.
Entre todas as vosas propostas custou decidirnos un pouco, polo que as propostas gañadoras foron...
O pasado martes, as 17:30, tivo lugar o acto de entrega de premios @s gañador@s do XXV Certame Intercentros, para alumnado de 3º a 6º de Primaria, polas Letras Galegas. O noso centro, o CPI de Pontecesures, xunto co CEIP Baño-Xanza, o CPI Xesús Ferro Couselo e o CPI do Progreso de Catoira, anfitrión nesta edición, conmemoraron a figura de Francisco Fernández del Riego a través dun certame de relatos de narrativa, poesía ou banda deseñada.
No caso do noso centro, as alumnas que resultaron premiadas foron Emma, de 3º, Matilda, de 4º, Sabela, de 5º, e Martina, de 6º. Noraboa a todas!
