NOVAS PARA COMPARTIR

 

Desde o Consello da Cultura Galega

OS XXIV ENCONTROS PARA A NORMALIZACIÓN LINGÜÍSTICA ANALIZAN AS ARTES COMO ELEMENTOS NORMALIZADORES

• A traxectoria anterior dos encontros permítenos chegar a esta edición, a número 24,
•  sabendo que
• o porvir da   lingua non se garante só pola actividade e dedicación de 
• sectores concretos como a escola ou a familia. 
• 
  
• 
  
• 
  
• 
  
• “A transmisión xeracional e a continuidade da lingua só estará garantida
•  se se divulga tamén nos
•  contextos que rodean a rapazada nos seus procesos de adquisición e
•  desenvolvemento lingüístico, e iso implica a participación de toda a
•  sociedade” aseguraban as conclusións da última edición. Por iso, como
•  xa se sabe que a transmisión da lingua no núcleo familiar non é condición
•  suficiente para garantir o obxectivo da continuidade xeracional, desta
•  volta os Encontros centran o debate na arte e na lingua como ferramenta
•  de construción masiva. Para iso, o programa xunta recoñecidos creadores
•  de ámbitos que van desde a danza, música, teatro, humor, circo e
•  artesanía para falar da relación entre cultura e lingua.

DESDE A REAL ACADEMIA GALEGA

A orixe da nosa lingua guapa

Unha meiga, unha profesora e un grupo de nenas e nenos ben espelidos protagonizan do CPI Santa Lucía de Moraña a primeira película de ficción da Real Academia Galega, baseada en feitos abraiantes pero reais como a vida mesma. Non perdades a fascinante historia do nacemento dun idioma especial coma ningún outro, porque sodes vós as persoas que tendes o superpoder de seguir a darlle mil primaveras máis de vida! Só tendes que berrar e practicar este retrouso máxico: Nós, en galego! A nosa lingua guapa!

A orixe da nosa lingua guapa é un filme producido pola Real Academia Galega a partir dunha idea orixinal da académica Fina Casalderrey, autora dunha morea de historias que levan cativado a varias xeracións de nenas e nenos. Damián Varela foi o director da orquestra a partir do guión asinado por Casalderrey e Fátima R. Ruibal, que é ademais a meiga-mestra que protagoniza esta película xunto ás verdadeiras estrelas: os nenos e as nenas do CPI Santa Lucía de Moraña que se converteron en actores e actrices para a ocasión.

A produción contou co apoio económico da Deputación da Coruña, institución que patrocina todas as iniciativas do proxecto Primavera das Letras.

LER CONTA MOITO: DA ÁRBORE AO LIBRO ( CUARTO DE INVERNO)

7 de outubro: O alumnado de 3º de Primaria asistiu a un obradoiro, na Biblioteca Municipal, impartido por Andrea Jamardo, editora de Cuarto de Inverno. Nesta actividade os nenos e nenas puideron descubrir como se prepara todo o material para a elaboración dun libro, desde que se corta a árbore ata que o libro chega ás librerías e bibliotecas, e os ávidos lectores e lectoras poden gozar coa súa lectura. As rapazas e rapaces tamén puideron confeccionar o seu propio libro.

Tamén puideron ver algúns libros desta editorial " Cuarto de inverno"

 

COMEZAMOS CON ACTIVIDADES VARIADAS

 Mércores 28 de setembro: Encontro interxeracional, entre  persoas con Alzheimer, que viñan en compaña de persoal da  Asociación Galega de Axuda ós Enfermos con Alzheimer - AGADEA- e o alumnado de 6º de Primaria. Esta Asociación está a realizar a ruta Marítima do Mar de Arousa cara Santiago, e van visitando os distintos Concellos desta ruta e compartindo experiencias. Hoxe, foi o alumnado do noso centro o afortunado de coñecer e compartir con eles, varias actividades:

- Unha clase de pintura, da man do mestre, da Asociación " A Barcarola", ao tempo que lles ensinaron obras do pintor máis famoso do noso Concello, Carlos Maside.

- Xogos interactivos: O paracaídas,...

Xoves 29 de setembro: Por un día, a Biblioteca do centro convertíuse nun Museo. Baixo o lema " O MUSEO EN CAMIÑO" grazas ó Museo Provincial de Pontevedra, o noso centro resultou agasallado con esta proposta cultural, para darlle a coñecer aos máis pequenos, de 1º e 2º de Primaria, algunhas das obras que se atopan no Museo, vinculadas a distintos Concellos polos que percorre o Camiño Portugués, como por exemplo, o tesouro de Caldas de Reis, o Deus Xano, un Miliario, cadros de Castelao, Seoane,...

De regreso na aula seguimos investigando e ampliando a información sobre as obras vistas e outras, consultando os folletos que nos deixaron, e os nenos e nenas puideron plasmar a súa visión das mesmas no block de debuxo.

Venres 30 de setembro: contacontos na Biblioteca Municipal, dentro da campaña "Ler conta moito" o alumnado de 1º e 2º gozou coa historia musicalizada de " A orquestra de camarote"

FIN DE CURSO

 O 22 de xuño foi unha data moi buliciosa, con moita algarabía, batifondo e moi moi emotiva. Por moitas razóns, fin de curso, significa moitas cousas, non só a chegada das tan desexadas vacacións, senon, a consecución ou non dos obxectivos (as notas), a festa cós compañeiros e compañeiras, as despedidas, de compañeiros/as que se van, de mestres e mestras que rematan ciclo, ou que se van do centro, por concurso ou por xubilación, os que viñeron substituíndo a outrxs,...

Por todo o dito e máis, o noso centro neste día estivo cheo de emocións. Ledicia e tristura, revoaban entre nós, coma bolboretas que ían dun xardín florido a un inhóspito deserto.

Quero comezar a presentación en imaxes cunha das máis emotivas do día, a despedida das mestras ROSA e PATRICIA. 

A ROSA desexámoslle todo o mellor nesa nova andaina que comeza, nesa etapa da vida que todxs desexamos gozar algún día, a XUBILACIÓN. Sabemos que pola súa forma de ser, vai seguir moi activa, coma sempre. Imos botala en falta todxs ( mestrxs e alumnxs), despois de 18 anos no noso centro, moitas xeracións de rapaces e rapazas coñécena dabondo e non é preciso dicir, que é unha mestra que deixa pegada.    PARABÉNS ROSIÑA!

A PATRICIA, queremos desexarlle moita sorte no seu novo destino. Que siga coma sempre, GRANDE en todos os sentidos! BIQUIÑOS PATRI!

Agora imos co festival propiamente dito, festas nas aulas, actuación dos bonecos do Show dos Pallasos, actuación do grupo Little Neno e rematando coa comilona nas aulas. Aí deixamos un video resumo.

FELICES VACACIÓNS! CARGADE AS PILAS PARA AFRONTAR CON MOITA ENERXÍA O VINDEIRO CURSO!

Reescribo aquí un poemiña creado en cinco minutos na aula de 3º, polxs cativxs, para a súa mestra Rosa:

"Rosa ti eres a árbore

do saber

que nos alimenta e nos inspira.

Que nos enche de valentía

para facer o que menos nos gustaría.

Ai, Rosa botarémoste de menos!

Como as pulgas ao pelo,

coma os toros ao vermello,

como a troita ao mero

coma os vampiros ao sangue.

Ai, Rosa eres marabillosa!"

EXPERIENCIAS COMPARTIDAS

Ó LONGO DESTE CURSO, LEVÁRONSE A CABO DIVERSAS EXPERIENCIAS COMPARTIDAS ENTRE OS DISTINTOS NIVEIS/ CURSOS/ ETAPAS. ESTE TIPO DE ACTIVIDADE MELLORA O COÑECEMENTO E RELACIÓN ENTRE GRUPOS, ESPERTA  A CURIOSIDADE, FOMENTA O INTERESE E AS HABILIDADES COMPETENCIAIS, DOS QUE EXPOÑEN E EXPLICAN O SEU TRABALLO E DOS QUE OBSERVAN, ESCOITAN, ...

PUBLICAMOS ALGÚNS EXEMPLOS:

MAQUETAS DE MATERIAL RECICLADO ( alumnado de 5º comparte con 1º de Primaria)

MAXIA POTAXIA (alumnas de 5º fixeron varios trucos rulando máxicamente por distintos cursos)

EXPOSICIÓN DE MAQUETAS  DE CASAS AUTOSOSTIBLES E CONSTRUCCIÓNS CON HISTORIA ( alumnado 2º ESO para todo o centro na Biblioteca)

TEATRO/ CONTACONTOS ( alumnado da ESO para Infantil e 1º e 2º de Primaria)

O alumnado de 1º da ESO que forma parte do grupo de Teatro que dirixe Luísa a mestra de Historia, representou para o alumnado de Infantil e 1º e 2º de Primaria, unha adaptación feita polo profesora do conto “ O pequeno HOPLITA” de Arturo Pérez Reverte. Historia relacionada co tema da Biblioteca deste ano “ Historias da Historia” xa que fala dos guerreiros espartanos.

Con agasallo de pegatinas fomentando a lectura, elaboradas por un compoñente deste grupo de rapaces e rapazas da ESO. 

BRAVO! Agardamos que este tipo de propostas continúen no vindeiro curso!

Tamén realizaron sesións de contacontos nas aulas de Infantil, coma a do conto " A toupiña que quería saber quen lle fixera aquilo na cabeza".

O alumnado de 4º de Primaria realizou uns traballos moi xeitosos sobre o coñecemento da contorna

 

PACO NOGUEIRAS CONTOS CON MÚSICA

 Onte estivo no noso centro Paco Nogueiras, cunha actividade promovida pola Biblioteca.

Paco traía unha maleta cargada de contos, un acordeón e unha guitarra.

Contou unha morea de contos para os nenos e nenas de Infantil e 1º e 2º de Primaria.

UN CENTRO CHEO DE ORGULLO

 O Equipo de Convivencia do CPI de Pontecesures organizou este curso un concurso de carteis baixo o lema "Un centro cheo de orgullo".

Con esta proposta, quixemos sumarnos todxs á necesaria loita contra a homofobia e o respecto á diversidade.

Nos traballos atopáronse debuxos e frases cargados de mensaxe. Queremos que saibades que tanto a participación como o nivel foron espectaculares.