Charlotte del Carmen, Enma e Iker -na imaxe- son @s alumn@s
do IES Aquis Celenis de Caldas de Reis responsables do 'Dicionario Xeración Z'.
Este traballo recompila termos empregados pola rapazada -algúns, anglicismos;
outros, expresións adaptadas- para documentar a evolución do galego que emprega
a mocidade e recolle a influencia das (non tan) novas tecnoloxías da
información e da comunicación -nomeadamente, das redes sociais-.
O proxecto procura dar visibilidade a un vocabulario informal que reflicte a
identidade da xente nova e facilitar a súa comprensión pola sociedade.
Hai que dicir que non se trata dun dicionario dunha extensión considerable, xa
que apenas conta con 50 termos, pero por algo hai que empezar...
Se queres consultalo, podes facelo seguindo ESTA LIGAZÓN.
Unha cuestión que nos vén á cabeza é: realmente medra a nosa lingua con estes neoloxismos?
Pois probablemente ata se empobreza pero, como decía a nena aquela das máscaras: "mellor iso que morrer"
Ningún comentario:
Publicar un comentario