martes, 19 de novembro de 2024

ESCRIBO VERSOS (XÉNERO VERSOS OUTRA VEZ)

Tal e como vos contamos a semana pasada, o alumnado de Secundaria do noso Centro está a participar na actividade 'Xénero versos'.   

Durante todo o día de hoxe, en catro turnos, os grupos de cada un dos catro cursos están a percorrer a segunda etapa deste camiño cuxa meta é combater a violencia contra as mulleres así como todo tipo de comportamentos, discriminacións e estereotipos machistas.

E cal é esta segunda etapa? Escribir a letra das cancións coas que van visualizar o seu compromiso.

Nas imaxes podemos ver o alumnado dos grupos de 4º de E.S.O., repartidos en catro equipos de traballo, elaborando as súas propias rimas, xenuinas e -esperamos que- inspiradas.
A semana que vén haberá que darlles outra vida engadíndolles música.

Ningún comentario:

Publicar un comentario