Hai poucos días as nosas compañeiras e os nosos compañeiros de 5º e 6º de Primaria achegáronse ao miradoiro do Galiñeiro para plantar especies autóctonas.
Están de noraboa, só lles resta ter un fillo e escribir un libro!
Esta actividade foi organizada polo Concello de Pontecesures en colaboración coa Consellería de Medio Rural e contou coa presenza da concelleira de Medio Ambiente e co apoio de axentes e membros de brigadas forestais.
Como podiamos imaxinar, a actividade pretende concienciar @s nen@s da importancia de protexer a nosa contorna, así como facilitar o contacto d@s miúd@s coa contorna natural máis próxima.
Nas imaxes vemos o mal que o pasaron, que présa que tiñan por voltar ás aulas!!!
Ningún comentario:
Publicar un comentario