Premios da Cultura Galega 2024

Na mañá de hoxe reuniuse o Xurado que concede os Premios da Cultura Galega, como nos indica ESTA NOTA DE PRENSA da Consellería.
Estes premios distinguiron a Manuel Lourenzo (na categoría de Letras), Xose María Pérez Barro (Artes Visuais), Marta Pazos (Artes Escénicas), Joaquín Martínez (Música), Ficción Producións (Audiovisual), Julia Díaz (Lingua), Xosé Manuel González (Patrimonio Cultural) e Real Club Celta de Vigo (Proxección Exterior). 
Se queres coñecer máis detalles sobre este asunto podes consultalos, por exemplo, NESTA NOTICIA  de El Progreso.

Presentación da campaña "Saca a lingua que levas dentro"

No día de onte o conselleiro de Cultura, Lingua e Xuventude, José López Campos, protagonizou a presentación da nova imaxe da campaña 'Saca a lingua que levas dentro', coa que se procura “pór en valor o privilexio que supón contar cun idioma propio, que debemos ver como un gran tesouro do que estar orgullosos”. En palabras do conselleiro, “non hai mellor xeito de defendelo e de preservalo que falándoo”.
Se queres coñecer máis detalles sobre as actividades propostas para gañar nov@s falantes da nosa lingua podes consultar ESTA NOTA DE PRENSA da Consellería ou seguir ESTA LIGAZÓN do Portal da Lingua Galega.

(Dous días despois)

A presentación á que nos referimos chegou case ao tempo que a Enquisa estrutural a fogares sobre o coñecemento e uso do galego, realizada polo Instituto Galego de Estatística, que reflicte datos ben preocupantes sobre o presente e o futuro da nosa lingua.
Se queres ter acceso aos resultados da enquisa podes acceder a eles NESTA LIGAZÓN.
NESTA PUBLICACIÓN de Nós Diario realizan unha demorada análise dos resultados anteriores. 

A Asociación Morreu o Demo, recoñecida pola UNESCO

Este é o ano de Levantar o pano, como indica o nome do noso Proxecto de Biblioteca, e como nos contan nesta noticia de culturagalega, a Asociación Morreu o Demo recollerá un dos Certificados do Patrimonio UNIMA deste ano.

A Unión Internacional da Marioneta (UNIMA) é un organismo asociado á UNESCO e concede 37 recoñecementos a proxectos de todo o mundo.
Un deles foi concedido á Asociación Cultural Morreu o Demo, que desde hai máis de dez anos traballa para recuperar o monicreque tradicional galego e a figura de Barriga Verde (de aí sacaron precisamente o nome: "morreu o demo, acabouse a peseta").

A Revista Galega de Teatro dá conta NESTA NOTICIA do recoñecemento da UNIMA.

Se queres coñecer máis polo miúdo o traballo da Asociación podes visitar A SÚA WEB.

Se che interesa tanto que aínda queres saber máis, clicando na imaxe inferior podes ver o documental "Morreu o demo, acabouse a peseta" a través da web da CRTVG.

CARTAZ DO MES DA CIENCIA EN GALEGO

O mes de novembro, tradicionalmente, é o elexido para celebrar a confluencia (ou non) da lingua galega e da ciencia.
Para difundir dita celebración, a Institución Galega da Ciencia, a Deputación da Coruña e a Xunta de Galicia publicaron o cartaz que tedes a seguir, aínda que no lugar da celebración do "mes" refírese a celebración do "día". Tampouco din que día é. Non sei se o teñen claro, ou se somos nós @s que non o temos...

Convocada a edición 53 dos Premios Literarios Minerva

Como nos conta ESTA NOTICIA do xornal La Voz de Galicia o Colexio Manuel Peleteiro acabou de convocar a edición número 53 dos seus Premios Literarios Minerva.
Se estás interesad@ en paricipar podes consultar as bases (pdf) dos Premios NESTA LIGAZÓN.
Estes premios convócanse desde 1963, ano no que foron apadriñados por Álvaro Cunqueiro.
Algúns e algunhas d@s premiad@s neste Certame convertíronse, co pasar do tempo, en recoñecidas figuras do xornalismo ou das Letras, como é o caso de Darío Xohán Cabana, Xesús Rábade Paredes, Ánxeles Penas García ou Fernando Ónega López.
Ademais, desde 1990 o Colexio publica a obra premiada en cada edición do Certame.
Vai preparando a túa proposta (poética ou narrativa, orixinal, inédita e en lingua galega); tes de prazo ata o 15 de xaneiro!!!

TERCEIRA EDICIÓN DO CONCURSO "ESTÁ DE MEDO!!!"

Neste outubro, e xa é o terceiro, o EDLG convoca o concurso "Está de medo!!!" 
Nel pode participar o alumnado do noso Centro, nas condicións que indican as bases das imaxes que tes a seguir.
Anímate a participar, que non sabes o molesto que é o trasno cando se pon de morros..

21º CURTOCIRCUÍTO

Desde hoxe ata o próximo domingo celébrase en Santiago de Compostela a 21ª edición do Festival Internacional de Cinema Curtocircuíto, que como o seu nome indica está especializado nas pezas audiovisuais de pouca duración; dito doutro xeito: nas curtas.
Velaquí tes o cartaz desta edición:

Se queres saber máis sobre o festival (o programa, as sedes, o xurado, as seccións, venda de entradas, etc) podes consultalo nesta ligazón.