A bonecada ataca: os Bolechas en Padrón o día 27, Cachirulo o 3 en Pontecesures

Como nos conta o Portal da Lingua, a xira de Nadal dos Bolechas fará parada en Padrón o día 27 de decembro, venres.
Esta xira ten como obxectivo difundir entre a rapazada os tradicionais Cantares de Reis, ademais de pasar un rato divertido.
Polo que parece, a representación terá lugar ás 18:00 no Auditorio, así que xa estades previd@s.
Se alguén o prefire ou lle vai mellor, tamén teredes a posibilidade de acudir ao mesmo espectáculo na Estrada a véspera: o xoves día 26. 

E non só iso, o día 3 de xaneiro ao mediodía poderedes asistir no Centro Social de Pontecesures á presentación do espectáculo 'O Cachimóbil' por parte de Títeres Cachirulo.
Se queredes ir abrindo boca, aquí tedes un aperitivo... Levántase o pano!!!

Ludoteca de nadal

O Campamento de Nadal -ou Ludoteca de Nadal- ofrece a posibilidade aos nenos e ás nenas de 3 a 12 anos de participar en actividades lúdicas desde as 9:00 até as 14:00 dos días 23 de decembro ao 3 de xaneiro (agás os días 25, 28, 29 e 1).
Estas actividades desenvolveranse no Anexo ao Pavillón Municipal.
O prazo para apuntarse remata este xoves 19 de decembro.
Podes consultar as bases da Ludoteca de Nadal en pdf NESTA LIGAZÓN.
O impreso de solicitude de inscrición podes descargalo NESTA LIGAZÓN.

Se prefires consultalo desde a web do Concello fai clic na seguinte imaxe:

Concurso-Exposición sobre As cantareiras

Os centros que decidan participar terán que elaborar 10 carteis e unha guía didáctica sobre a súa obra, época e lingua.
Concederanse dous premios: un para a categoría A (centros de infantil e primaria) e outro para a categoría B (centros de secundaria, bacharelato, formación profesional e ensinanzas de réxime especial).    
O prazo para enviar os traballos remata o 23 de xaneiro.
Se queres consultar a convocatoria podes facelo NESTA LIGAZÓN ou facendo clic na imaxe superior.

Palabra do Ano 2024: aberta a votación

Como vos contamos hai uns días a Real Academia Galega e a Fundación Barrié están a procurar a Palabra do Ano 2024.
Agora, a imaxe fala por si soa, xa está aberto o período de votación para escollela.
Non imos decir cal, pero si que entre as candidatas está unha palabra proposta polo Trasno Paroleiro.
Se queres participar na votación, fai clic NESTA LIGAZÓN ou na imaxe superior.
Non esquezas que o período de votación finaliza o 25 de decembro!!!
Ah! Se es fanátic@ dalgunha das palabras podes votar até catorce veces... polo menos...

Debuxos con dereitos

Co gallo da celebración do Día da Infancia, data na que se conmemora a Declaración Universal dos Dereitos do Neno en 1959 e a aprobación da Convención dos Dereitos do Neno en 1989 -como nos contan na web da ONU-, no noso Centro quixemos pór estes dereitos en imaxes.
Unha imaxe vale máis do que mil palabras?
Iso ninguén sabe, pero nunca está de máis.
Agora, moitos deses debuxos nos que o alumnado plasmou os seus dereitos decoran os corredores, compartindo protagonismo coas portas que xa se abren ao Nadal.

Padriños lectores: agora le ti!

Se hai uns días eran @s nos@s amig@s de 1º de Primaria @s que se achegaban para ler contos aos seus compañeiros e ás súas compañeiras de Infantil de 3 anos, agora son @s maiores @s que se achegan á súa aula para lérllelos.  
En concreto, Luis e Sabela, de 1º de E.S.O., foron os contacontos nesta ocasión. 

Está visto que contar contos mola.
Se cadra isto de ser padriños lectores está cheo de vantaxes... podería darse o caso de que aparecese alguén para lerlle contos ao alumnado de 1º de E.S.O.???

Concurso 'Dígocho Eu', cuarta edición

A CRTVG acaba de abrir o prazo de presentación de candidaturas para o Concurso DígochoEu correspondente ao ano académico 2024/2025.
Os centros escolares poden presentar as súas propostas de vídeos escolares antes do 22 de decembro.
As bases completas do concurso están dispoñibles na web da CRTVG NESTA LIGAZÓN.
O profesorado interesado en participar deberá presentar a candidatura enviando un correo electrónico a digochoeu@crtvg.gal
Entre todas as propostas inscritas, farase a selección das 12 cuxo contido sexa máis orixinal, creativo e innovador.
Posteriormente, serán gravadas durante 2025 en cada centro escolar coa participación do alumnado e da presentadora do programa, Esther Estévez, para seren emitidas nas canles da CRTVG.
Unha vez emitidos todos os episodios -en datas próximas ao Día das Letras Galegas-, un xurado de profesionais do audiovisual alleo ao equipo do programa avaliará todas as propostas e outorgará seis premios en dúas categorías (Primaria e Secundaria) de 500, 300 e 200 euros.
Os criterios de valoración serán a calidade lingüística e expresividade dos participantes e a orixinalidade e innovación do contido.
NESTA NOTICIA da web da CRTVG tes máis información sobre o concurso.
Se queres acceder directamente á web do concurso, fai clic NESTA LIGAZÓN ou na imaxe superior.