Haberá aínda quen se queixe de que non ten tradutores dabondo, ou de que non funcionan para a lingua galega... cando xa vos falamos do
Gaio (aí, sempre, na barra da dereita), sen ir máis lonxe.
Hoxe traemos unha novidade en tradutores: DeepL incorporou hai uns días a lingua
galega -entre outras- á súa plataforma de tradución automática.
Responde así á necesidade de mellorar a comunicación profesional en contornos
onde a nosa lingua se usa regularmente.
Deste xeito pretenden facilitar a interacción entre empresas e administracións,
así como mellorar a axilidade na atención ao cliente, a documentación e as
operacións cotiás.
Esta ampliación forma parte dunha estratexia máis ampla de DeepL para ampliar a súa
oferta lingüística e mellorar as ferramentas de automatización e integración de
tradución.
"O galego, cun uso cotián amplo dentro de Galicia", din desde DeepL,
"aparece como un caso moi ligado á administración e aos servizos sen
perder o compoñente empresarial. Desde comunicacións municipais ata materiais
de atención ao cidadán, ter soporte consistente axuda a que o (eido) dixital
non obrigue a “cambiar de idioma” para ser eficiente".
Para accederes a DeepL podes facer clic NESTA LIGAZÓN ou na imaxe do inicio.
Se queres ampliar a información sobre esta novidade, podes ler ESTA NOTICIA.
Ningún comentario:
Publicar un comentario