Na mañá de antonte, luns, fixemos por fin entrega dos premios ás propostas gañadoras na cuarta edición do concurso de portadas de libros e relatos de terror 'Está de medo!!!'.
As propostas gañadoras foron as presentadas por Darío (de 2º de Primaria), Abigaíl (de 4º de Primaria), Xián (de 5º de Primaria), Matilda (de 1º de E.S.O.) e Zoe (de 4º de E.S.O.).
O xurado subliñou a dificultade de escoller os premiados, xa que se encontrou en todas as categorías con traballos de grande calidade.
Na imaxe podemos ver os gañadores e as gañadoras posando para a foto co seu premio e un diploma acreditativo.
Á parte destes premios concedidos a cada traballo individual, cada aula de Infantil recibirá un agasallo polo traballo que desenvolveron en conxunto.
A entrega dos premios concitou certa expectación entre parte do alumnado, que chegou a aplaudir aos gañadores e ás gañadoras, como podemos ver na imaxe.
Parabéns aos gañadores, ás gañadoras e a todo o alumnado participante que, como dicimos, presentou traballos de moita calidade (e arrepiantes!!!)
Ningún comentario:
Publicar un comentario