Aí á beira dereita, un chisco debaixo do Trasno e do Gaio, tes un cadro para realizar consultas no dicionario en liña da RAG.
Iso non é noticia, pero si que a Real Academia Galega incorporou un cento de termos novos ao seu Dicionario.
Entre estes novos termos encontramos voces tradicionais pero tamén creacións recentes e palabras que completan familias léxicas.
Esta ampliación do corpus léxico procura facilitar a resolución de dúbidas de escrita e uso.
A actualización inclúe tamén termos correspondentes a vocabulario científico e xentilicios.
O dicionario, que conta xa con máis de 58.000 entradas, consolídase como un recurso esencial para garantir o uso máis preciso e actualizado posible da lingua galega.
Se queres coñecer máis en profundidade as novas incorporacións podes consultar ESTA NOTICIA da web da RAG.
Ningún comentario:
Publicar un comentario